U studzieni ŭ Maskoŭskaje RUUS źviarnułasia žančyna. Jana paviedamiła, što źnikła jaje 44-hadovaja siabroŭka, supracoŭnica ahienctva nieruchomaści. Na telefanavańni taja nie adkazvała, svajaki taksama ničoha nie viedali pra jaje miescaznachodžańnie. U vyniku žančynu abviaścili ŭ vyšuk jak źnikłuju bieź viestak, paviedamlaje ŭ svaim telehram-kanale pres-sakratar MUS Volha Čamadanava.
Kali supracoŭniki milicyi stali raźbiracca ŭ abstavinach zdareńnia, to vyśvietliłasia, što źnikłaja zavinavaciła niekalkim ludziam bujnyja sumy hrošaj. U ich liku była i taja samaja siabroŭka. Prafiesijna zajmajučysia ździełkami ź nieruchomaściu, pieršyja 50 tysiač dalaraŭ žančyna pazyčyła jašče ŭ 2017 hodzie. Hrošy brała pad padstavu budaŭnictva kvatery, apłaty ramontnych rabot i h.d.
U krasaviku ŭ dačynieńni da žančyny była raspačata kryminalnaja sprava pa fakcie machlarstva ŭ asabliva bujnym pamiery (č. 4 art. 209), jaje abjavili ŭ vyšuk užo ŭ jakaści abvinavačvanaj.
Uvieś hety čas biełaruska chavałasia na terytoryi Rasii, źmianiajučy harady i adrasy pražyvańnia. Ajčynnyja pravaachoŭniki praviali nie adnu apieratyŭnuju kambinacyju, kab vyznačyć dakładnaje miescaznachodžańnie ŭ Maskvie. Zaraz pravodziacca ŭsie nieabchodnyja mierapryjemstvy dla jaje ekstradycyi na radzimu.
