Litoŭcam niama patreby niepakoicca nakont atamnaj stancyi, pabudavać jakuju płanuje Biełaruś, ‑ zajaviŭ u subotu ŭ Vilni ministr zamiežnych spraŭ našaj krainy Siarhiej Martynaŭ.
Pavodle jahonych słovaŭ, biełarusy buduć vykonvać abaviazacielstvy adnosna biaśpieki, a prajekt pavinien stać nie abjektam dyskusij, a kansultacyj.
«Padstaŭ dla niepakoju niama», ‑ skazaŭ Siarhiej Martynaŭ.
Pavodle jaho słovaŭ, padrychtoŭčyja pracy pa budaŭnictvie AES Biełaruś płanuje pravieści razam ź mižnarodnymi arhanizacyjami, uklučna z MAHATE. Aproč taho, Minsk maje namier vykonvać abaviazki, što tyčacca radyjacyi.
Ministr zamiežnych spraŭ Litvy Vihaŭdas Ušackas u svaju čarhu adznačyŭ, što kožnaja kraina rašeńnie pra budaŭnictva AES prymaje samastojna. «My, jak susiedzi, zacikaŭlenyja ŭ tym, kab z nami ŭzhadnialisia daśledavańni pra ŭpłyŭ na navakolnaje asiarodździe, i kab stancyja adpaviadała samym vysokim standartam biaśpieki», — skazaŭ jon.
Fota mfa.lt
U subotu ŭ Vilni adbyłasia trochbakovaja sustreča ministraŭ zamiežnych spraŭ Litvy, Biełarusi i Ukrainy.U liku inšych pytańniaŭ abmiarkoŭvałasia pytańnie pra mahčymaść impartu ŭ Litvu ŭkrainskaj elektraenierhii. Adpaviednyja damovy buduć padpisanyja ŭ traŭni.
«My pieradoleli stadyju pryhožych słovaŭ i biaździejańnia. Heta sustreča śviedčyć pra toje, što my sapraŭdy biaremsia za enierhietyčnyja pytańni», ‑‑ reziumavaŭ ministr zamiežnych spraŭ Ukrainy V. Ahryzka.