Tairo Lutter, Postimees
U Talinie byŭ znojdzieny trup 56-hadovaha byłoha kiraŭnika estonskaha filijała banka Danske Ajvara Rechie. Pa źviestkach Postimees, trup byŭ znojdzieny ŭ jaho ŭłasnym sadzie, i ŭsio pakazvaje na samahubstva.
Rechie prapaŭ ranicaj 23 vieraśnia. Pakolki da abiedu jon nie viarnuŭsia, blizkija zaniepakoilisia i paviedamili ŭ palicyju. Palicyja, u svaju čarhu, zaznačyła, što jaho žyćciu moža pahražać niebiaśpieka, ale jana zychodzić ad jaho samoha. U Rechie nie było z saboj mabilnaha telefona, tamu ŭstalavać jaho miescaznachodžańnie było niemahčyma.
Estonskaje adździaleńnie Danske Bank — najbujniejšaha kamiercyjnaha banka Danii — vinavaciać u praviadzieńni sumniŭnych apieracyj na sotni miljardaŭ jeŭra, u tym liku pa admyvańni hrošaj nierezidentaŭ-rasijanaŭ.
U sakaviku hetaha hoda Rechie skazaŭ Postimees, što adčuvaje siabie adkaznym za heta, ale ličyć, što mier suprać admyvańnia hrošaj, pradpryniatych Danske, było ŭ toj čas dastatkova.
U listapadzie 2017 hoda ŭ Estonii była zaviedziena kryminalnaja sprava ŭ dačynieńni da estonskaha filijała Danske. Dziaržprakuratura paćvierdziła, što ŭ dačynieńni da Ajvara Rechie sprava nie zavodziłasia i što jon nie źviazany sa śledčymi dziejańniami ŭ adnosinach da banka. Na dadzieny momant padazreńni ŭ admyvańni hrošaj u bujnych pamierach pradjaŭlenyja 12 byłym supracoŭnikam Danske.
