U Litvu na paŭhoda prybyvaje bolš za 500 vajennasłužačych Suchaputnych vojskaŭ ZŠA, paviedamlaje Delfi sa spasyłkaj na Minabarony.
Bataljon vajskoŭcaŭ ZŠA budzie raźmieščany na vajennym palihonie ŭ Pabrade (Śviancianski rajon) da viasny nastupnaha hoda. Vajskoŭcy pryvieźli z saboj i svaju ciažkuju techniku: 30 tankaŭ Abrams, 25 bajavych mašyn piachoty Bradley, 70 kołavych transpartnych srodkaŭ.
Pa słovach ministra abarony Rajmundasa Karoblisa, hetaja ratacyja amierykancaŭ dakazvaje, što Litvie ŭdałosia dabicca doŭhaterminovaj vajennaj prysutnaści ZŠA.
«My paśladoŭna i ciarpliva damahalisia doŭhaterminovaj vajennaj prysutnaści ZŠA ŭ Litvie i ŭsim rehijonie. Tamu prybyćcio armiejskaha bataljona ZŠA na praciahły pieryjad — dobraja i čakanaja viestka, vynik našych doŭhich namahańniaŭ i inviestycyj. Siły ZŠA — vyklučna važny faktar strymlivańnia, tamu jany buduć spryjać namahańniam NATA ŭ Bałtyjskim rehijonie «, - skazaŭ ministr.
