Prezident Ukrainy Uładzimir Zialenski mierkavaŭ, što Bieły dom apublikuje tolki słovy prezidenta ZŠA Donalda Trampa ź ich telefonnaj razmovy.
Zialenski ličyć, što časam takija zvanki nie pavinny publikavacca. «Tamu što časam, vy viedajecie, jość hieapalityka, jość niejkija płany, ale ja nie bajusia zusim», — patłumačyŭ jon. Pavodle jaho słoŭ, Ukraina nie pavinna ŭciahvacca ŭ vybary inšaj krainy.
«Ja nie suprać. My ž z vami čytali, što jany chočuć apublikavać. Ja prosta dumaŭ, što jany apublikujuć svaju častku», — skazaŭ Uładzimir Zialenski
Ukrainski lidar pryznaŭsia, što nie viedaje, ci nieabchodnaja była piśmovaja zhoda Kijeva na publikacyju takoj razmovy.
Pry hetym, Tramp zajaŭlaŭ, što nie staŭ by publikavać stenahramu, kali b va Ukrainie byli suprać hetaha.
«Jon [ukrainski čynoŭnik] skazaŭ, što heta byŭ niavinny zvanok, i «vy možacie jaho publikavać, kali chočacie»», — udakładniŭ prezident ZŠA.
