Karniehi-Choł, Mietrapaliten-muziej, Čykahski instytut mastactvaŭ, Bruklinskaja muzyčnaja akademija i Linkaln-centr apynulisia siarod tych arhanizacyj, jakija ŭ apošnija hady atrymlivajuć achviaravańni ad zamožnych rasijan i padkantrolnych im kampanij.
Naprykład, Uładzimir Patanin z 2002 hoda źjaŭlajecca donaram i členam praŭleńnia Muzieja Huhienchajma. Niadaŭna jon pieradaŭ u dar Centru Kenedzi ŭ Vašynhtonie 6,45 miljona dołaraŭ.
Leanid Michielson niekalki hadoŭ byŭ apiekunom Novaha muzieja na Manchetenie i prafinansavaŭ niekalki najbujniejšych vystaŭ u Amierycy.
Michaił Procharaŭ abjaviŭ pra vydzialeńnie adnaho miljona dalaraŭ na arhanizacyju prahramy kulturnaha abmienu «Transkulturny ekspres. Mastactva Rasii i ZŠA siońnia».
Piotr Avien akazvaje finansavuju padtrymku vystavam ruskaha mastactva ŭ halerei sučasnaha mastactva Tejt i ŭ Karaleŭskaj akademii mastactvaŭ u Łondanie, dzie jon taksama źjaŭlajecca apiekunom. Kampanii, jakija znachodziacca pad jaho kiravańniem, taksama ŭnosiać finansavy ŭkład u praviadzieńnie vystaŭ u takich muziejach jak Huhienchajm.
