Akruhovyja vybarčyja kamisii 17 kastryčnika zaviaršajuć rehistracyju kandydataŭ u deputaty Pałaty pradstaŭnikoŭ, paviedamlaje BiełTA.
Pieradvybarnaja ahitacyja startuje ŭ siaredzinie kastryčnika paśla rehistracyi pretendentaŭ na deputacki mandat. Usie kandydaty pa Bresckaj, Viciebskaj, Homielskaj, Hrodzienskaj i Mahiloŭskaj abłaściach, a taksama pa Minsku atrymajuć mahčymaść vystupić na telekanale «Biełaruś 3», a pa Minskaj vobłaści - na STV.
Vystupy kandydataŭ pa TB i radyjo pačnucca 21 kastryčnika i projduć u pracoŭnyja dni da 6 listapada. Praciahłaść kožnaha abmiežavanaja piaćciu chvilinami. Pa telebačańni jany buduć tranślavacca ŭ viačerni prajm-tajm — z 19.00 da 20.40.
Radyjovystupy možna budzie pasłuchać z 7.00 da 8.00. Efirny čas kandydataŭ, jakija buduć bałatavacca pa Minsku, vydzielić «Radyjo-Minsk», pa Minskaj vobłaści — «Minskaja chvala». Pa inšych abłaściach — abłasnyja teleradyjokampanii.
Vybary ŭ Pałatu pradstaŭnikoŭ pryznačanyja na 17 listapada, u Saviet Respubliki — na 7 listapada.