U Paŭnočnaj Irłandyi dekryminalizavali aborty i dazvolili adnapołyja šluby. Rehijon byŭ apošnim u Złučanym Karaleŭstvie, dzie jany byli zabaronienyja, piša BBC News.
Raniej pieraryvańnie ciažarnaści ŭ rehijonie kvalifikavałasia jak złačynstva suprać asoby i ciahnuła za saboj kryminalnuju adkaznaść. Dazvalalisia aborty tolki ŭ tym vypadku, kali žyćcio žančyny było ŭ niebiaśpiecy abo isnavała pahroza niezvarotnaha i surjoznaha ŭronu jaje fizičnamu abo psichičnamu zdaroŭju.
Ciapier paŭnočnairłandskija ŭłady pavinny raspracavać praviły pasłuh pa pieraryvańni ciažarnaści, na heta ŭ ich jość čas da kanca sakavika.
Novyja praviły ab adnapołych šlubach pavinny pryniać da 13 studzienia 2020 hoda. U astatnich rehijonach karaleŭstva — Anhlii, Šatłandyi i Uelsie — adnapołyja sajuzy dazvolili ŭ 2014 hodzie.
