Učora ŭ 18:56 u milicyju pastupiła paviedamleńnie, što pa vioscy Pałykavičy ŭ bok Mahilova ruchajecca «Aŭdzi» sierabrystaha koleru, pryčym parušaje Praviły darožnaha ruchu. A kiroŭca, mahčyma, znachodzicca ŭ stanie ałkaholnaha apjanieńnia.
Napiarejmy mašynie vyjechaŭ narad bataljona DAI.
Prajazdžajučy pa vuł. Krupskaj u Mahilovie ŭ rajonie Pałaca himnastyki narad DAI źviarnuŭ uvahu na aŭtamabil, jaki ruchaŭsia pa sustrečnaj pałasie: heta i była taja samaja «Aŭdzi».
Kab spynić parušalnika, a taksama kab paźbiehnuć ciažkich nastupstvaŭ, supracoŭniki DAI pryniali adzina pravilnaje rašeńnie: spynili patrulny aŭtamabil z uklučanymi probliskavymi majačkami siniaha i čyrvonaha koleru na šlachu ruchu pravaparušalnika. Tym samy jany zabłakavali darohu na ažyŭleny piešachodny pierachod i skryžavańnie.
Adnak kiroŭca «Aŭdzi» praihnaravaŭ patrabavańni i ździejśniŭ łabavoje sutyknieńnie z aŭtamabilem DAI. U vyniku DTZ transpartnym srodkam pryčynienyja miechaničnyja paškodžańni.
Jak pakazała ekśpiertyza, kiroŭca «Aŭdzi» znachodziŭsia ŭ stanie ałkaholnaha apjanieńnia (0,8 pramile). U dačynieńni da jaho składzieny pratakoły ab administracyjnych pravaparušeńniach za kiravańnie aŭtamabilem u stanie ałkaholnaha apjanieńnia, stvareńnie avaryjnaj abstanoŭki i za adsutnaść dopusku da ŭdziełu ŭ darožnym ruchu.
