Kazachstan płanuje pastaŭlać u Biełaruś ad 1 da 3,5 młn ton nafty i naftapraduktaŭ štohod. Pra heta paviedamiŭ ministr enierhietyki Kazachstana Kanat Bazumbajeŭ, pieradaje «Kazinfarm».
«My na minułym tydni ź biełaruskim bokam parafiravali pahadnieńnie ab pastaŭkach nafty i naftapraduktaŭ u Respubliku Biełaruś i ahułam ab supracoŭnictvie ŭ hetaj śfiery. Asnoŭnyja pryncypy ŭsie hatovyja. My ŭnutrydziaržaŭnyja pracedury projdziem, potym kahości ŭpaŭnavažym, to-bok, my padpišam, jany padpišuć, dalej na ratyfikacyju adpravim», — skazaŭ Bazumbajeŭ.
Kiraŭnik Minenierha Kazachstana taksama adznačyŭ, što rasijski bok narmalna adreahavaŭ na hetaje pahadnieńnie Biełarusi i Kazachstana.
«Nijakaj niehatyŭnaj reakcyi niama. U nas dobryja adnosiny z rasijskimi kalehami», — padkreśliŭ Kanat Bazumbajeŭ.
