U kancy kastryčnika da apieratyŭnikaŭ Frunzienskaha RUUS Minska źviarnuŭsia 54-hadovy minčuk. Jon raspavioŭ, što zavioŭ słužbovy raman z zamužniaj 36-hadovaj žančynaj, paviedamlaje pres-słužba milicyi.
Pra heta daviedaŭsia jaje 44-hadovy muž i vyrašyŭ skarystacca situacyjaj. Jon pačaŭ šantažavać paluboŭnika, pahražajučy pieradać jaho žoncy kopiju pierapiski i pikantnyja zdymki. Košt nierazhałošvańnie tajamnicy acaniŭ u 3 tysiačy dalaraŭ — toj pahadziŭsia.
Praź niejki čas da taho samaha muža źviarnułasia ŭžo byłaja kachanka z tym ža patrabavańniem na 3 tysiačy dalaraŭ. Mužčyna paviedamiŭ pra heta ŭ milicyju. Padazravanuju zatrymała milicyja padčas «ździełki», za jakoj naziraŭ muž žančyny. Akazałasia, što muž i žonka ŭ zmovie.
U dačynieńni da ich zaviedziena kryminalnaja sprava pa č.2 art.208 KK Biełarusi (vymahalnictva, ździejśnienaje hrupaj asob).
