Na fonie skandału ź MIU aktyvist Ihar Słučak na svajoj staroncy ŭ fejsbuku nahadaŭ pra skandalny list rektara hetaha ŭniviersiteta Mikałaja Sušy ŭ 2010 hodzie.
Tady rektar MIU Mikałaj Suša na prapanovu dać biełaruskamoŭny adkaz na biełaruskamoŭny piśmovy zvarot adkazaŭ davoli dziorzka.
«U adpaviednaści z art. 17 Kanstytucyi Respubliki Biełaruś dziaržaŭnymi movami ŭ Respublicy Biełaruś źjaŭlajucca biełaruskaja i ruskaja. U Minskim instytucie kiravańnia ŭsio spravavodstva viadziecca na ruskaj, heta značyć dziaržaŭnaj movie. Kali Vy, spadar Słučak, nie vałodajecie adnoj ź dziaržaŭnych moŭ — ruskaj, to raju Vam zaniacca jaje vyvučeńniem. Vyvučyŭšy ruskuju movu, Vy tym samym zmožacie padniać svoj kulturny ŭzrovień i niekalki pašyryć kruhahlad, što isnuje ŭ Vas.
Na hetym pierapisku pa ŭźniatym Vami pytańni liču skončanaj, pakolki jaje praciah nie maje sensu i źjaŭlajecca pustym marnavańniem darahoha pracoŭnaha času.
Žadaju Vam pośpiechaŭ u vyvučeńni ruskaj movy. Heta tym bolš važna, što adnym z kryteryjaŭ vyznačeńnia kulturnaha ŭzroŭniu čałavieka zaŭsiody ličyłasia vałodańnie im nie adnoj, a dźviuma ci niekalkimi movami».
