U vyniku stralby ŭ kaledžy ŭ Błahavieščansku zahinuli dva čałavieki, jašče troje atrymali ranieńni, paviedamiła ria.ru pres-słužba UMVD Rasii pa Amurskaj vobłaści.
Pavodle źviestak pravaachoŭnikaŭ, ranicaj 14 listapada ŭ Błahavieščansku da naradu palicyi, jaki patrulavaŭ vulicy, padbieh małady čałaviek i paviedamiŭ, što nieviadomy raspačaŭ stralaninu ŭ kaledžy pablizu.
Prybyŭšy na miesca, palicyjanty ŭbačyli na druhim paviersie maładoha čałavieka z ružžom. Jon niekalki razoŭ streliŭ u bok pravaachoŭnikaŭ, palicejskija adkryli ahoń u adkaz. Strałka zabłakavali ŭ adnoj z aŭdytoryj, a ŭ hety čas palicyjanty zabiaśpiečyli vychad studentaŭ i vykładčykaŭ z kaledža.
«Na miescy zdareńnia znojdzienyja cieły dvuch maładych ludziej, u tym liku taho, chto stralaŭ. Pavodle papiarednich źviestak, u vyniku incydentu paciarpieli troje čałaviek. Im akazvajecca miedycynskaja dapamoha», - havorycca ŭ paviedamleńni.
Adzin z paranienych znachodzicca ŭ ciažkim stanie.
Pavodle apošnich źviestak, toj, chto raspačaŭ stralaninu skončyŭ žyćcio samahubstvam. Palicyjanty ŭ časie pierastrełki nie paciarpieli.
Jak paviedamiŭ Śledčy kamitet Rasii, stralaŭ 19-hadovy student kaledža. Jaho achviary było stolki ž.
Pavodle źviestak palicyi, pryčynaj stralaniny moh stać kanflikt pamiž adnahodkami. Studenty raspaviali ŚMI, što z strałka ździekavalisia adnahrupniki: «U hrupie jaho hnabili. Pierastrełku jon pačaŭ na vulicy».
