Alaksandr Łukašenka pryniaŭ siońnia z dakładam staršyniu Dziaržpahrankamiteta Anatola Łapo i dziaržsakratara Rady biaśpieki Stanisłava Zasia ab uzajemadziejańni Biełarusi i Rasii ŭ pamiežnych pytańniach, pieradaje BiełTA.
U 1995 hodzie Biełaruś i Rasija padpisali damovu ab sumiesnych namahańniach u achovie źniešniaj miažy Sajuznaj dziaržavy. Jana aŭtamatyčna padaŭžajecca kožnyja piać hadoŭ, i ŭ listapadzie znoŭ zakančvajecca termin dziejańnia hetaha dakumienta. Nieabchodnaść padaŭžeńnia damovy i pasłužyła pryčynaj praanalizavać ŭzajemadziejańnie pahraničnych viedamstvaŭ Biełarusi i Rasii. Raniej Alaksandr Łukašenka daručaŭ prapracavać hetuju temu z rasijskimi partniorami.
Alaksandr Łukašenka padkreśliŭ, što Biełaruś na 100% vykonvaje svaje abaviazacielstvy. Heta, pavodle jaho słoŭ, datyčycca ŭ pieršuju čarhu baraćby ź niezakonnym abarotam narkotykaŭ i zbroi, nielehalnaj mihracyjaj i pošuku vykradzienych aŭtamabilaŭ.
«Pamiežnaje viedamstva Biełarusi prosta ŭ razy bolš efiektyŭna pracuje na sumiesnych miežach, — zajaviŭ Łukašenka. — My na pieršych mietrach našaj ahulnaj ajčyny nadziejna abaraniajem jak svaje intaresy, tak i našaha hałoŭnaha sajuźnika — Rasijskaj Fiederacyi. Byccam by prablem niama, ale ŭ toj ža čas, pavodle infarmacyi inšych viedamstvaŭ, jany jość».
Kiraŭnik dziaržavy nahadaŭ, što nie ŭsie hramadzianie trecich krain bieśpieraškodna prajazdžajuć biełaruska-rasijskuju miažu. «Heta značyć, kali zamiežny hramadzianin (aŭstryjec, niemiec, palak) zajechaŭ praź miažu pad Brestam, to jaho mohuć pad Smalenskam nie prapuścić navat z rasijskaj vizaj. Jaho viartajuć nazad: davaj zajedź praz łatvijska-rasijskuju miažu ci ž praz (dziŭna!) ukrainska-rasijskuju. Heta što takoje? Byccam by ŭsio dobra, ale heta pytańnie «, - skazaŭ jon.
Łukašenka vykazaŭ ździŭleńnie, čamu tak adbyvajecca, tym bolš rasijanie pryznajuć, što biełarusy achoŭvajuć miažu lepš, čym jany. «Ahulnaja prastora Biełarusi i Rasii. Nie, kažuć:» Viartajsia nazad i zajezžaj praz Łatviju». Što heta za absurd? I heta pytańnie z rasijanami treba vyrašać», — padkreśliŭ Alaksandr Łukašenka.
