Pavodle rašeńnia suda, z haziety «Viečiernij Bobrujsk» pavinny być spahnanyja 2000 rubloŭ kampiensacyi maralnaj škody na karyść staršyni Słonimskaha rajvykankama Hienadzia Chomiča — jaho pazoŭ ab abaronie honaru, hodnaści i dziełavoj reputacyi zadavoleny.
Vydańnie taksama pavinna dadatkova apłacić 753 rubli sudovych raschodaŭ i raźmiaścić abviaržeńnie publikacyi, jakaja stała nahodaj dla suda.
U sudovaj pastanovie havorycca, što publikacyja źmiaščała niepraŭdzivuju infarmacyju, jakaja «niehatyŭna paŭpłyvała na hramadskuju acenku dziełavych i prafiesijnych jakaściej pazoŭnika, jaki z 2018 hoda pracuje na pasadzie staršyni Słonimskaha rajvykankama». Čynoŭnik acaniŭ maralnuju škodu ŭ 7000 rubloŭ.
Nahadajem, što kampiensacyju Hienadziu Chomiču pavinna vypłacić vydańnie 21.by — 1500 rubloŭ pa miravym dasudovym pahadnieńni. Sud taksama vyrašyŭ, što sam Ściapan Puciła pavinien vypłacić čale Słonimskaha rajona 3000 rubloŭ plus ŭsie vydatki na pazoŭ. Jon admoviŭsia heta rabić.
Pa słovach advakata Chomiča Maryi Kolesavaj-Hudzilinaq, napieradzie sprava sa Śviatłanaj Kalinkinaj — hałoŭnym redaktaram «Biełaruskaha partyzana».
