Fiłałahičny fakultet Viciebskaha dziaržaŭnaha univiersiteta 15-22 listapada praviadzie ŭ VNU fiestyval biełaruskaha słova, paviedamlaje BiełTA.
Forum, pryśviečany rodnaj movie, kultury i tradycyjam, źbiare znatakoŭ biełaruskaha słova. Užo ŭ pačatku listapada startavała čelendž-estafieta ŭ Instagram. Vykładčyki i studenty pad chešteham #vieršyfłf publikujuć videa, dzie jany čytajuć biełaruskamoŭnuju paeziju.
Arhanizatary forumu paciešać haściej muzyčnym i interaktyŭnym śpiektaklami, prezientacyjaj almanacha centra słavianskich moŭ i kultur, konkursam pierakładčykaŭ. Projdzie navukovaja kanfierencyja, konkurs biełaruskaj pieśni, pasiadžeńnie kłuba «Razmaŭlaj-ka», na jakim navučać asnovam biełaruskaj movy zamiežnych studentaŭ.
0
0
0
0
0
0
