14 listapada na učastku dla hałasavańnia Babrujskaj-Leninskaj vybarčaj akruhi №78 u škole №18 naziralnik staŭ śviedkam razmovy vybarnicy i staršyni vybarčaj kamisii, paviedamlaje kampanija «Pravaabaroncy za svabodnyja vybary».
Pavodle naziralnika, žančyna, jakaja pracuje ŭ «Vodakanale», paprasiła kamisiju vydać joj daviedku pra toje, što jana prahałasavała daterminova.
«Maŭlaŭ, im skazali, što daviedki takija vydajucca, — paviedamlaje naziralnik. — Staršynia ŭčastkovaj kamisii adkazała, kab jaje načalnik joj patelefanavaŭ, i jana paćvierdzić, što sapraŭdy žančyna prahałasavała. A muž navat fota zrabiŭ, jak jana kidaje biuluteń».
Takija daviedki nie praduhledžanyja vybarčym zakanadaŭstvam abo instrukcyjami dla vybarkamaŭ. Udzieł u dterminovym hałasavańni, jak i ŭ samich vybarach, dobraachvotny, a prymus da ŭdziełu niezakonny.
