Padčas raskopak u rasijskim Pskovie archieołahi znajšli śvincovuju piačatku połackaha jepiskapa Dyjanisija. Pra heta paviedamlaje «Navuka i žyćcio» sa spasyłkaj na Archieałahičny centr Pskoŭskaj vobłaści.
Piačatka dvuchbakovaja. Na adnym baku namalavanaja Maci Božaja, na druhi znachodzicca hrecki nadpis: «Piačatka Dyjanisija, biskupa Połacka». Datujecca piačatka druhoj pałovaj XII stahodździa.
Pra samoha Dyjanisija piśmovyja krynicy amal ničoha nie paviedamlajuć. Połackuju kafiedru jon uznačaliŭ pamiž 1156-1157 i 1166-1167 hadami. Pa adnoj ź viersij, da pryniaćcia biskupskaha sanu jon byŭ manacham Kijeva-Piačerskaha manastyra, pa inšaj — hrekam, jaki pryjechaŭ u kniastva ź Vizantyi. Pamior u 1184 hodzie, ale dzie pachavany — nieviadoma.
