17 listapada DAI na vulicy Śviardłova spyniła aŭtamabil «Krajśler» z rehistracyjnym znakam niavyznačanaha ŭzoru, paviedamlaje milicyja.
Nadpis BYS vykarystoŭvajuć u samapalnych dakumientach tak zvanyja «hramadzianie BSSR». Na numar naklejena niešta padobnaje da hierba SSSR i emblema «žyvych čałaviekaŭ» — ludziej, jakija nie pryznajuć niezaležnuju Biełaruś i ličać siabie hramadzianami BSSR.
Supracoŭniki DAI adpravili aŭtamabil na štrafstajanku.
Kiroŭca — 45-hadovy ŭradženiec Minska. Jon pryciahvaŭsia da administracyjnaj adkaznaści bolš za 60 razoŭ za stvareńnie avaryjnaj situacyi, prajezd skryžavańnia na čyrvonaje śviatło, niapropusk piešachoda i inšyja parušeńni.
Ciapier na jaho skłali pratakoł za kiravańnie sa schavanym, padroblenym abo inšym čynam źmienienym rehistracyjnym znakam. Jon atrymaje štraf ad dziesiaci da dvaccaci bazavych vieličyń.
