Zdareńnie adbyłosia 18 listapada. U milicyju z balnicy pastupiła paviedamleńnie, što pa miedycynskuju dapamohu z ahniastrelnym ranieńniem pravaha plača i ranieńniem hałavy źviarnuŭsia 13-hadovy chłopčyk. U dziciaci z ruki daktary dastali šrot, paviedamlaje pres-słužba milicyi.
Było ŭstanoŭlena, što padletka paraniŭ starejšy brat sa strelby, jakaja naležyć baćku. Adnu zarehistravanuju strelbu 50-hadovy palaŭničy zachoŭvaŭ doma ŭ siejfie, a dźvie niezarehistravanyja chavaŭ u stozie siena. Voś mienavita z adnoj sa strelbaŭ padletki i adpravilisia da lesu, kab pastralać pa mišeniach. Pa ŭsioj vierahodnaści, pakul małodšy staviŭ mišeń, starejšy zrabiŭ vypadkovy streł i paraniŭ brata.
U ciapierašni čas pa fakcie pryčynieńnia ahniastrelnaha ranieńnia śledčymi Łahojskaha RASK pravodzicca pravierka. U palaŭničaha zbroja kanfiskavana