Biełaruskaja čyhunka ŭviała dadatkovyja ciahniki Miensk — Vilnia i Vilnia — Miensk na 22—24 listapada, skazali ŭ daviedcy čyhunki. U hetyja dni ŭ Vilni buduć prachodzić mierapryjemstvy z nahody pierapachavańnia paŭstancaŭ 1863—1864 hadoŭ, piša radyjo «Svaboda».
«Hety ciahnik moža pryznačacca dadatkova ŭ peŭnyja dni», — skazali Svabodzie ŭ daviedcy Biełaruskaj čyhunki.
Ź Miensku ciahnik № 801 budzie vychodzić a 8:13, ź Vilni ciahnik № 802 budzie adpraŭlacca a 20:15. Na momant publikacyi pradali ŭsie kvitki na ciahnik Vilnia-Miensk na 23 i 24 listapada.
Cyrymonija pierapachavańnia pareštkaŭ udzielnikaŭ antyrasiejskaha paŭstańnia 1863-64 hadoŭ adbudziecca 22 listapada na vilenskich mohiłkach Rosy.
0
0
0
0
0
0