Fota Siarhieja Zinina
Bolš za 87 tys. transpartnych srodkaŭ u Biełarusi znachodziacca ŭ zakładzie. Novy servis Kufara dapamoža pakupnikam pierakanacca ŭ tym, što aŭtamabil, jaki jany źbirajucca nabyć, nie byŭ zakładzieny ŭ košt finansavych abaviazkaŭ. A taksama paćvierdzić, što mašyna nie ličycca ŭ vyšuku, a zajaŭlenyja pradaŭcom charaktarystyki aŭto adpaviadajuć realnaści, havorycca ŭ paviedamleńni handlovaj placoŭki.
VIN — unikalny identyfikacyjny numar aŭtamabila. Jon składajecca z 17 simvałaŭ, u jakich zašyfravanyja hod i miesca vypusku aŭto, dadzienyja ab kampanii-vytvorcy, charaktarystykach mašyny, — naprykład, typie kuzava, ruchaviku, tranśmisii. Viedajučy VIN, taksama možna pravieryć, kali mašynu zavieźli ŭ Biełaruś i praviali mytnaje afarmleńnie.
Kufar Aŭto staŭ pieršaj biełaruskaj placoŭkaj abjavaŭ, jakaja ŭkaraniła servis pravierki patrymanych aŭto pa VIN-numary. U kampanii kažuć, što ich meta — zrabić rynak patrymanych aŭto bolš prazrystym i biaśpiečnym.
Kali pradaviec padaje abo redahuje abjavu na Kufar Aŭto, jon moža ŭvieści VIN-numar svajho aŭto (znajści jaho možna ŭ techničnym pašparcie abo na korpusie mašyny). Atrymaŭšy infarmacyju, Kufar zapuskaje pravierku pa bazach dadzienych. Kali pravierka paśpiachova projdziena, u abjavie źjaŭlajecca karotkaja spravazdača: marka i madel adpaviadaje, u vyšuku i zakładzie mašyna nie ličycca. Sama abjava markirujecca značkom VIN pravierany.
Kali sistema znachodzić nieadpaviednaść pamiž dadzienymi ŭ abjavie i dadzienymi VIN-numaru, aŭto ličycca skradzienym, abjava adchilajecca. A kali aŭto znajdziena ŭ zakładzie, na staroncy abjavy źjaŭlajecca adpaviednaja infarmacyja.
— Pradaviec, jaki dadaje dadzienyja VIN, pakazvaje, što jamu niama čaho chavać, — kaža Siarhiej Śviažyn, dyrektar pa raźvićci placoŭki Kufar Aŭto. — Dla sumlennych pradaŭcoŭ pravierka pa VIN niasie tolki plusy: heta prosty sposab pryciahnuć uvahu za košt značka «VIN pravierany», atrymać bolš prahladaŭ abjavy i chutčej znajści pakupnika. Pakupnik, u svaju čarhu, atrymlivaje praŭdzivuju infarmacyju pra mašynu z prabieham.
Kab atrymanaja infarmacyja była daskanałaj, Kufar supracoŭničaje z płatnaj bazaj dadziennych. Adnak dla karystalnikaŭ Kufar Aŭto pravierka mašyn pa VIN-numary źjaŭlajecca biaspłatnaj. Zaraz na Kufar Aŭto možna znajści bolš za 1100 pravieranych mašyn.
