Uviečary traktaryst adnaho ź sielhaspradpryjemstvaŭ Pinskaha rajona na zamacavanym za im traktary «MTZ 82.1» źbiraŭsia źjeździć pa asabistych spravach, paviedamlaje abłasnaja milicyja.
Ale adjechaŭšy niedaloka ad małočna-tavarnaha kompleksu, mužčyna nie spraviŭsia z kiravańniem i źjechaŭ u kiuviet. Dla taho kab vyciahnuć zachrasły transpartny srodak, jon viarnuŭsia na miechdvor i ŭziaŭ inšy, bolš mahutny traktar »MTZ 1221».
Kali mužčyna druhi raz za karotki čas źjaviŭsia na terytoryi miechdvara i pasprabavaŭ vyjechać na inšym traktary, jon byŭ spynieny supracoŭnikam achovy. Vyśvietliłasia, što dazvołu na ekspłuatacyju transpartnych srodkaŭ kiroŭca ŭ hety dzień nie atrymlivaŭ, pry hetym znachodziŭsia ź vidavočnymi prykmietami ałkaholnaha apjanieńnia.
Supracoŭniki DAI ŭstavili, što rabotnik kiravaŭ transpartnymi srodkami ŭ stanie ałkaholnaha apjanieńnia.
