Alaksandr Łukašenka siońnia na sustrečy sa studentami i vykładčykami miedycynskich univiersitetaŭ zajaviŭ, što źjaŭlajecca prychilnikam strachavoj miedycyny, pieradaje BIEŁTA.
«Ja prychilnik taho, kab raźvivać strachavuju miedycynu. Ale adrazu nielha: treba, kab ludzi byli da hetaha hatovy», - skazaŭ Alaksandr Łukašenka.
Jon rastłumačyŭ, što spačatku treba pavialičyć dachody hramadzian u dva razy. «Ci dazvolić heta zrabić ekanomika? Tamu strachavaja miedycyna dobra: skinuŭ na ludziej i budź zdarovy. Ale treba razumieć nastupstvy, my ich praličvali. Na hetym etapie my damovilisia: voś biaspłatnaja, voś płatnaja, voś strachavaja miedycyna», - adznačyŭ jon.
Kiraŭnik dziaržavy dadaŭ, što pastupova ŭ krainie voźmuć kurs na raźvićcio miedycynskaha strachavańnia. «Ale nie adrazu», - padkreśliŭ jon.
