Mižnarodnaja fiederacyja futboła (FIFA) padała ŭ sud na byłoha prezidenta arhanizacyi Jozefa Błatera, a taksama na byłoha prezidenta UEFA Mišela Płacini. Ab hetym paviedamlajecca na sajcie FIFA.
Padstavaj dla pazovu staŭ pieravod dvuch miljonaŭ šviejcarskich frankaŭ. Hrošy byli pieraviedzienyja pa ŭkazańni Błatera z rachunku FIFA na rachunak Płacini ŭ lutym 2011 hoda. Paźniej šviejcarski sud pryznaŭ, što dla hetaha płaciažu nie było nijakich padstavaŭ, i jaho možna ličyć padarunkam.
11 śniežnia 2019 hoda kamitet pa kiravańni FIFA pastanaviŭ, što arhanizacyja abaviazanaja pasprabavać viarnuć hrošy i nakiravać ich na raźvićcio futboła.
Jozef Błater kiravaŭ FIFA z 1998 pa 2015 hod. Jon syšoŭ u adstaŭku na fonie karupcyjnaha skandału ŭ arhanizacyi. Mišel Płacini, jaki ŭ toj čas uznačalvaŭ UEFA, vysunuŭ svaju kandydaturu na vybary prezidenta FIFA. Ale rasśledavańnie ab pieravodzie za dva miljony frankaŭ vymusiła jaho źniacca z vybaraŭ.
U vyniku i Płacini, i Błatera adchilili ad kiraŭnictva
