Na kampanii Apple, Google, Dell, Microsoft i Tesla padali ŭ sud, abvinavačvajučy ich u saŭdzielnictvie dziciačaj pracy ŭ kobaltavych šachtach na terytoryi Demakratyčnaj Respubliki Konha, paviedamlaje The Guardian.
Pazoŭ suprać vysokatechnałahičnych kampanij byŭ padadzieny ŭ Vašynhtonie, akruha Kałumbija. Pazoŭ padała pravaabarončaja kampanija International Rights Advocates, jakaja pradstaŭlaje intaresy 14 hramadzian Konha, čyje dzieci zahinuli abo byli traŭmavanyja ŭ kobaltavych šachtach.
Siemji patrabujuć kampiensacyi ŭronu za prymusovuju pracu i dadatkovuju kampiensacyju za niespraviadlivaje ŭzbahačeńnie, nienaležny kantrol za pracesam vytvorčaści.
Kobalt nieabchodny dla stvareńnia lityjevych akumulataraŭ. Bolš za 60% kobaltu zdabyvajecca ŭ DRK, adnym z samych biednych i niestabilnych rehijonaŭ u śviecie.