Navukoŭcy Bałtyjskaha fiederalnaha centra imia Imanuiła Kanta ŭ Kalininhradzie (Rasija) pryjšli da vysnovy, što Suśviet maje miežy i nie maje ciomnaj enierhii, piša Lenta.ru
Daśledčyki prapanavali teoryju, pavodle jakoj ciomnaja enierhija ŭjaŭlaje saboj anałohiju efiektu Kazimira, jaki dziejničaje na «ścienki» Suśvietu. Efiekt Kazimira ŭjaŭlaje saboj uzajemnaje pryciahnieńnie dvuch niezaradžanych cieł (naprykład, płaścinak), raźmieščanych na blizkaj adlehłaści. Heta adbyvajecca pad dziejańniem kvantavych fłuktuacyj u vakuumie, kali spantanna naradžajucca virtualnyja čaścicy, naprykład, fatony. Pry hetym cisk, jaki akazvajecca virtualnymi fatonami znutry na dźvie pavierchni, mienš, čym zvonku.
Na dumku fizikaŭ, prykładna toje ž samaje adbyvajecca ŭ kosmasie, tolki jano pryvodzić da adšturchoŭvańnia, jakoje paskaraje pašyreńnie Suśvietu. Takim čynam, nie isnuje ciomnaj enierhii, a pašyreńnie ŭźnikaje praz najaŭnaść miežaŭ, na jakija cisnuć virtualnyja čaścicy.
