Dva biełaruskija anarchisty 24 śniežnia praviali ŭ Vilni akcyju suprać zapusku AES ŭ Astraŭcy. Pierfomans pad nazvaj «Biełaruski Astraviec — Čarnobyl XXI stahodździa» prajšoŭ u starym horadzie i la ambasady Biełarusi, piša Delfi.lt
Akcyja pačałasia a 15:00 la ambasady Biełarusi ŭ Litvie na vulicy Mindoŭha. Chłopiec u achoŭnym radyjacyjnym kaściumie i z płakatam «DANGER BELARUS» špacyravaŭ z adnaho kanca ŭ druhi ŭzdoŭž centralnaj bramy ambasady, a jaho paplečnik fatahrafavaŭ usio, što adbyvajecca. Zatym maładziony rušyli pa vulicach Vilni, razdajučy ŭlotki na anhlijskaj movie.
Udzielnik akcyi Viačka Kasinieraŭ zapeŭniŭ litoŭskich žurnalistaŭ, što padviarhaŭsia nieadnarazovym aryštaŭ, pratestujučy suprać AES. Jon razhladaŭ budaŭnictva atamnaj elektrastancyi jak hłabalny prajekt Pucina pa ŭstalavańni ryčaha cisku na Jeŭropu.
