Fota ź Vikipiedyi
Prezident Iraka Barcham Salech padaŭ u adstaŭku. Pra heta paviedamiŭ telekanał Al Arabiya.
Prašeńnie ab spynieńni paŭnamoctvaŭ jon padaŭ u parłamient. U dakumiencie havorycca, što Salech choča syści z-za praciahłych pratestaŭ u krainie. «Palityčnaja i parłamienckaja dziejnaść pavinny adkazvać vyšejšym intaresam naroda», - napisaŭ jon. Salech adznačyŭ, što jaho rašeńnie taksama pradyktavana niazdolnaściu damovicca ab kandydatury novaha premjer-ministra.
Demanstracyi ŭ Iraku praciahvajucca z kastryčnika. Ludzi damahajucca rospusku parłamienta — Rady pradstaŭnikoŭ Iraka — i praviadzieńnia novych vybaraŭ. Adnak zakanadaŭcy adprečvali mahčymaść rospusku da pryniaćcia novaha zakona.
Premjer-ministr Abduł Machdzi raniej užo abiacaŭ pracaŭładkavańnie ŭsim, u kaho jość adukacyja. Jon taksama abaviazaŭsia harantavać kvotu ŭ 50 pracentaŭ pracoŭnych miescaŭ dla miascovaha nasielnictva ŭ zamiežnych kampanijach, jakija pracujuć pa dziaržaŭnych kantraktach.
Salech zajmaŭ prezidenckuju pasadu z kastryčnika 2018 hoda, da hetaha jon uznačalvaŭ urad Iraka. U jaho abaviazki ŭvachodziła ratyfikacyja dahavoraŭ i zakonaŭ, pamiłavańnie źniavolenych i kamandavańnie ŭzbrojenymi siłami krainy