Ministr abarony Andrej Raŭkoŭ pavinšavaŭ vychavancaŭ dziciačaha doma ŭ Andrejeŭščyna (Aršanski rajon). U hetym hodzie padarunkam stali robaty — kanstruktary i fizijaterapieŭtyčny kabiniet, paviedamlaje Minabarony ŭ svaim telehram-kanale.
Pa šmathadovaj tradycyi Andrej Raŭkoŭ napiaredadni śviataŭ pryjechaŭ na navahodni ahieńčyk, jaki padrychtavali dzieci.
«Ja chaču vam skazać dziakuj za toje, čaho vy dasiahnuli ŭ minułym hodzie. Vy zajmajeciesia mini-futbołam, vaša zbornaja hrymić na ŭsiu krainu. Ale nastupny hod pavinien być čempijonskim!
Paviercie, što ŭsie pieramohi, navat nievialikija, vielmi važnyja.
My starajemsia zrabić usio, kab vaša žyćcio było bolš radasnaj. Ja chaču pažadać vam zdaroŭja. Kab fizijaterapieŭtyčny kabiniet, jaki my padaryli, byŭ patrebny vam tolki dla prafiłaktyki!» — pažadaŭ dzieciam kiraŭnik vajennaha viedamstva.
