Rada Biełaruskaha PEN-centra vykazała hłybokuju zaniepakojenaść u suviazi z administracyjnym pieraśledam udzielnikaŭ mirnych akcyj u abaronu Niezaležnaści Biełarusi.
Rada źviartaje ŭvahu, što 26-27 śniežnia ŭ Biełarusi prakaciłasia chvala zatrymańniaŭ udzielnikaŭ mirnych akcyj.
Naprykład, Pavieł Sieviaryniec asudžany na 15 sutak i aštrafavany na 50 bazavych vieličyń (1275 rubloŭ).
Na 30 śniežnia pryznačanyja sudy nad siabrami Biełaruskaha PEN-centra — piśmieńnikami Uładzimiram Niaklajevym i Uładzimiram Arłovym.
Składzieny pratakoł na hanarovaha staršyniu Biełaruskaha PEN-centra, pierakładčyka, redaktara, movaznaŭcu Lavona Barščeŭskaha.
«Rada Biełaruskaha PEN-centra vystupaje suprać parušeńnia prava na svabodu vykazvańnia, bo sudy adbyvajucca ŭ tym liku i za infarmavańnie hramadskaści pra akcyi ŭ sacyjalnych sietkach», — adznačajecca ŭ zajavie.
