U 2019 hodzie ŭ ZŠA zarehistravali 41 masavaje zabojstva, kali hinuli čatyry i bolš čałavieki. U 33 z hetych vypadkach złačyncy vykarystoŭvali ŭ jakaści srodku zabojstva ahniastrelnuju zbroju.
Hetuju statystyku sabrała amierykanskaje infarmacyjnaje ahienctva Associated Press supolna z hazietaj USA Today i Paŭnočna-Uschodnim univiersitetam. Ahulnaja kolkaść achviar takich masakraŭ skłała 211 čałaviek.
U bolšaści z hetych vypadkaŭ złačyncy zabivali ludziej svajho ž koła. Matyvami byli siamiejnyja svarki, narkotyki i bandytyzm. U inšych vypadkaŭ zabivali kaleh pa pracy, navučańni.
U Amierycy kolkaść zabojstvaŭ zastajecca najvyšejšaj siarod raźvitych krain.
U Biełarusi za 2019 hod nie było nivodnaha vypadku masavaha zabojstva, dzie b zahinuli čatyry i bolš ludziej. Ale naša kraina była ŭzrušanaja zabojstvam u Stoŭbcach, dzie školnik zabiŭ nastaŭnicu i inšaha školnika.
Čytaj jašče: Čamu jon? Baćka chłopca, jakoha zabili ŭ Stoŭbcach, padrabiazna raskazaŭ pra syna i dzień jaho śmierci
