Na cyrymonii ŭ Stambule prezidenty Rasii i Turcyi Uładzimir Pucin i Redžep Taip Erdahan adkryli hazapravod «Turecki patok», jaki złučaje Krasnadarski kraj z Turcyjaj i krainami Paŭdniovaj Jeŭropy, pieradaje RBK.
Na cyrymonii taksama prysutničali prezidenty Bałharyi Rumien Radzieŭ i Sierbii Alaksandr Vučyč.
U chodzie cyrymonii Pucin nazvaŭ zapusk «Tureckaha patoku» važnym dla ŭsioj Jeŭropy, adznačyŭšy pastupalnaje raźvićcio supracoŭnictva Rasii i Turcyi, niahledziačy na pieraškody z boku «niekatorych inšych krain».
Sam trubapravod Pucin nazvaŭ «biesprecedentnym pa svaich maštabach» i prakładzienym u «varožym asiarodździ».
«Pastaŭki rasijskaha hazu pa «Tureckim patoku» buduć spryjać pavyšeńniu enierhietyčnaj biaśpieki Jeŭropy ŭ cełym», — skazaŭ Pucin.
