chinacdc.cn
Kitajski centr pa kantroli i prafiłaktycy zachvorvańniaŭ apublikavaŭ pieršy zdymak karanavirusa 2019-nCoV, zrobleny pry dapamozie elektronnaha mikraskopa. Jon apublikavany na sajcie viedamstva, piša RBK
U paviedamleńni centra havorycca, što ekśpiertam udałosia ŭpieršyniu vydzielić štam virusa, što dazvalaje vyvučyć jaho strukturu.
Karanavirusy nosiać takuju nazvu, bo ich cieła akružana vystupajučymi čaścicami, jakija nahadvajuć soniečnuju karonu. Na zdymku, apublikavanym centram, bačnyja hetyja prykmiety.
Da piatnicy, 24 studzienia, viadoma ab 875 vypadkach zachvorvańnia pnieŭmanijaj, vyklikanaj virusam, u Kitai. 26 čałaviek zahinuli. Vypadki zaražeńnia taksama zafiksavanyja ŭ ZŠA, Japonii, Paŭdniovaj Karei, Vjetnamie, Tajłandzie, Sinhapury, Hankonhu, Makaa i Tajvani. Dziesiać haradoŭ u centralnym Kitai byli začynienyja ŭładami.