Hety preparat AR101 i z kamiercyjnaj nazvaj Palforzia vypuskajecca ŭ vyhladzie parašku, jakim pasypajuć ježu, piša Bi-bi-si
Kurs lačeńnia praciahvajecca paŭhoda — na praciahu hetaha času pacyjenty prymajuć usio bolšuju kolkaść preparata, u jakim utrymlivajecca arachisavy pratein. U vyniku arhanizm pastupova vypracoŭvaje peŭnuju talerantnaść da arachisu.
Hetyja leki nie pazbaŭlajuć pacyjentaŭ ad alerhii, i jaho vytvorcy papiaredžvajuć, što zastajecca ryzyka śmiarotna niebiaśpiečnaha anafiłaktyčnaha šoku.
Akramia taho, navat praz paŭhoda lačeńnia pacyjenty pavinny praciahvać prymać leki štodnia, kab paźbiehnuć alerhičnaj reakcyi pry vypadkovym ŭžyvańni arachisu ŭ ježu. I, zrazumieła, jany nie pavinny jeści arachis.
Arechi — najbolš raspaŭsiudžany charčovy alerhien u ZŠA, pryčym u krainach Zachadu ŭ apošnija dziesiacihodździ ŭsio bolš ludziej, jakija pakutujuć ad charčovaj alerhii.
Vyprabavańni roznych preparataŭ, zaklikanych pamienšyć adčuvalnaść da arachisu i inšych arechaŭ, pravodzilisia ŭ ZŠA i inšych krainach i raniej. Adnak Palforzia — heta pieršyja leki, jakija atrymali aficyjnaje adabreńnie fiederalnaha Upraŭleńnia pa kantroli jakaści charčovych praduktaŭ i lekavych srodkaŭ ZŠA.
Preparat Palforzia pryznany prydatnym dla lačeńnia pacyjentaŭ va ŭzroście z 4 da 17 hadoŭ.
Jaho košt vielmi vysoki: kampanija-vytvorca paviedamiła, što miesiačny kurs abyjdziecca pacyjentam u 890 dalaraŭ. H. zn. paŭhoda buduć kaštavać 5 tysiač dalaraŭ.
