U studzieni 2020 hoda «Hazprom» pradaŭ rekordnuju kolkaść hazu praz svaju elektronnuju handlovuju płatformu, pryčym dla pakupnikoŭ u Jeŭropie takija pastaŭki byli značna tańniejšyja, čym pa doŭhaterminovych trubapravodnych kantraktach. Źnizić ceny rasiejskuju kampaniju vymusili kankurenty siarod pastaŭščykoŭ zvadkavanaha pryrodnaha hazu, paviedamlajuć «Viedomosti».
Fota Nadziei Bužan.
Z dapamohaj płatformy za miesiac pradali 2,2 miljarda kubamietraŭ hazu z pastaŭkaj u studzieni. Pakolki sukupny ekspart «Hazproma» ŭ Jeŭropu ŭ toj ža pieryjad skłaŭ 13,3 miljarda kubamietraŭ, to atrymlivajecca, što praz spotavy rynak kampanija pastaviła 16,5 pracenta ŭsiaho abjomu.
Siaredniaja cana na aŭkcyjonach u studzieni skłała 137 dalaraŭ za tysiaču kubamietraŭ hazu.
Dla paraŭnańnia, u pačatku 2020 hoda Biełaruś płacić pa kantrakcie 127 dalaraŭ za tysiaču kubamietraŭ.
Siaredni košt takoha ž abjomu ŭ doŭhaterminovych kantraktach składaje 204,7 dalara.
