Na fota toj samy vajskoviec, jaki pačaŭ stralbu (twitter.com lattebbrook)
Palicyja Tajłanda likvidavała vajskoŭca, jaki pačaŭ stralaninu ŭ horadzie Nakchanratčasima i zabiŭ 25 čałaviek. Pra heta paviedamlaje Reuters.
Strałka zabili ŭ handlovym centry Terminal 21 na paŭnočnym uschodzie krainy, dzie jon chavaŭsia ad pravaachoŭnikaŭ bolš za 17 hadzin. U vyniku stralaniny 25 čałaviek zahinuła i 63 atrymała ranieńni. Siarod zahinułych jość vajskoŭcy.
Vajskoviec spačatku pačaŭ stralbu na terytoryi vajskovaj čaści. Jon zabiŭ troch čałaviek: svajho kamandzira, jašče adnaho vajennaha i 63-hadovuju žančynu.
Zatym sieŭ u aŭtamabil i nakiravaŭsia ŭ centr horada. Pa darozie jon rasstrelvaŭ minakoŭ. Paśla jon zachapiŭ zakładnikaŭ u handlovym centry Terminal 21. Pravaachoŭniki vyśvietlili asobu napadnika: im akazaŭsia 32-hadovy vajskoviec Džakrapant Toma.
