Ukraincy zapuskajuć račny turystyčny maršrut u Biełaruś. Prajekt startuje ŭ krasaviku sioleta. Sudna budzie kursiravać pamiž Kijevam i Mazyrom. Arhanizacyjnuju pracu pravodzić Ministerstva infrastruktury Ukrainy, jakoje pravodziła pieramovy ź Mintransam Biełarusi, infarmuje UNIAN.
Sudna, jakoje budzie kursiravać pa maršrucie, nosić nazvu «Rasśviet» («Śvitańnie»). Jano naležyć dziaržaŭnamu pradpryjemstvu.
Taksama biełarusy i ŭkraincy abmiarkoŭvali raźvićcio mižnarodnych transpartnych kalidoraŭ Čornaje mora — Bałtyjskaje mora. U pryvatnaści, jość inicyjatyva adnaŭleńnia mižnarodnaha vodnaha šlachu Je-40 pa maršrucie Dniepr — Prypiać — Visła. Jaho praciahłaść składaje bolš za 2000 kiłamietraŭ. Praŭda, ambicyjnyja płany ministerstvaŭ niekalkich krain niepakojać ekołahaŭ, jakija ličać, što ekanamičnaja vyhada nieparaŭnalnaja z ekałahičnym uronam prajekta.
