Niećviarozy kiroŭca źbiŭ padletka ŭ Ivacevickim rajonie, paviedamiła ŭ svaim telehram-kanale aficyjny pradstaŭnik MUS Volha Čamadanava.
Zdareńnie adbyłosia 8 lutaha kala 19.30 u Cielachanach. Tam lehkavik źbiŭ 16-hadovaha chłopca, jaki išoŭ pa krai prajeznaj častki ŭ spadarožnym kirunku bieź śviatłoadbivalnaha elemienta. Praŭda, mieŭ uklučany lichtar.
U vyniku najezdu chłopiec atrymaŭ traŭmy roznaj stupieni ciažkaści i byŭ špitalizavany.
U chodzie pravierki vyśvietliłasia, što kiroŭca byŭ pjany. Da taho ž, raniej jon byŭ pazbaŭleny paśviedčańnia za jazdu ŭ niećviarozym stanie.
0
0
0
0
0
0