Mahčymaje zakryćcio radyjołakacyjnaj stancyi (RŁS) 70M6 «Vołha» i vuzła suviazi «Vilejka», jakija znachodziacca na terytoryi Biełarusi, ale naležać Rasii, moža pahražać abaranazdolnaści apošniaj, piša «Svobodnaja Priessa».
Vydańnie nahadvaje, što dalokaść vyjaŭleńnia mižkantynientalnych balistyčnych rakiet i rakiet siaredniaj dalokaści RŁS dasiahaje 4 800 kiłamietraŭ, a małaprykmietnyja abjekty z efiektyŭnaj płoščaj raśsiejvańnia 0,1 kvadratnaha mietra radaram zasiakajucca na adlehłaści 2 000 kiłamietraŭ.
Adznačajecca, što «Vilejka», jakaja pracuje na zvyšdoŭhich chvalach, što pranikajuć u marskija i akijanskija vody na hłybiniu da 50 mietraŭ, i jakaja maje dalokaść 10 000 kiłamietraŭ, źjaŭlajecca vieličeznym antennym polem z mačtami 300-mietrovaj vyšyni i maje płošču 400 hiektaraŭ.
Vydańnie piša, što «Vołha» i «Vilejka», jakija adnosiacca da stratehičnych abjektaŭ, mohuć zakrycca z-za zakančeńnia adpaviednych arendnych terminaŭ i paharšeńnia rasijska-biełaruskich adnosin.
Inšaj pahrozaj abaranazdolnaści Rasii nazyvajecca mahčymaje spynieńnie pastavak kołavych šasi MZKC-79221, jakija vypuskajucca Minskim zavodam kołavych ciahačoŭ, što vykarystoŭvajucca rasijskimi ruchomymi hruntavymi rakietnymi kompleksami «Topol-M» i «Jars».
