Finnish Defence Forces
Ciapier kožny treci małady čałaviek u Finlandyi nie prachodzić vajennaj słužby. U vyniku ŭsio bolš papularnaści nabiraje ideja pra abaviazkovy vajenny pryzyŭ dla žančyn. Na hety momant žančyny mohuć dobraachvotna słužyć u vojsku, ale jany nie padlahajuć pryzyvu, piša yle.fi.
Ministr abarony Anty Kajkanien hatovy razhledzieć taki varyjant žanočaj słužby.
«Varta praanalizavać pytańnie. U chodzie pryzyvu možna było b raskazać pra mahčymaści, jakija słužba ŭ armii prapanoŭvaje. Zaadno možna było b pravieryć, ci ŭsio ŭ paradku ŭ maładych ludziej i pry nieabchodnaści paraić, kudy možna źviarnucca pa dapamohu», — skazaŭ jon.
Sajuz reziervistaŭ padtrymlivaje prapanovu. Tam kažuć, što ŭ Finlandyi šmat žančyn, jakija mahli b stać vydatnymi sałdatami. Adnak, jany nie abaviazkova pavinny zasiarodžvacca na tych ža halinach, što i mužčyny. Asablivaści viadzieńnia vajennych dziejańniaŭ u sučasnym śviecie majuć na ŭvazie novyja navyki. Tak, u mnohich žančyn jość dobryja viedy ŭ halinie kibierbiaśpieki.
