Rasijski sienatar Alaksiej Puškoŭ acaniŭ zajavu kiraŭnika MZS Ukrainy Vadzima Prystajki ab mahčymaj vajnie pamiž Rasijaj i Biełaruśsiu. Pra heta jon napisaŭ u svaim tvitary.
Pa słovach sienatara, Prystajka ŭsio bolš stanovicca padobny da svajho papiarednika Paŭła Klimkina. «Vidavočnaja łuchta pra toje, byccam Biełaruś čakaje vajna z Rasijaj, — heta sumieś tannaj prapahandy i pieršabytnaha manieŭru z metaj spravakavać Maskvu i Minsk», — napisaŭ Puškoŭ.
Raniej Vadzim Prystajka zajaviŭ pra pahrozu vajny pamiž Rasijaj i Biełaruśsiu. Pavodle jaho słoŭ, jon jašče niekalki hadoŭ tamu kazaŭ biełaruskim žurnalistam, što kali ich kraina zachoča zastacca niezaležnaj, to sutykniecca z takoj ža vajnoj, ciažkaściami i pakutami, jak i Ukraina. U biełarusaŭ jość dva varyjanty, ličyć palityk: być razvažlivymi i spakojnymi «z dapamohaj zamiežnych partnioraŭ» i prajhrać ci ž «pačać zmahacca prosta ciapier».
