Niekalki dzion tamu ŭ Minsku była špitalizavanaja 23-hadovaja pacyjentka, chvoraja na «śviny hryp» H1N1.
«Tempieratura nie źbivałasia, i pakłali ŭ infiekcyjnuju balnicu», — raskazała jana karespandentu «Našaj Nivy».
«Usiu ranicu hrupami, časam pa 8 čałaviek, prychodziać interny. Pieršy raz takoje baču», — napisała jana ŭ tvitary
Virus H1N1, jaki znajšli ŭ jaje, — toj samy, jaki ŭ 2009-m vyklikaŭ masštabnuju pandemiju ŭ śviecie.
«Ja nie adna lažu z takim dyjahnazam», — kaža pacyjentka.
Praŭda, u minskaj infiekcyjnaj balnicy kažuć, što pryčyn chvalavacca niama.
«U hetym siońnia niama naviny, ciapier my aceńvajem śviny hryp jak zvyčajny virus, padkreślu — ciapier. Dziesiać hod tamu tak, heta była b navina!
A ciapier nie — u papulacyi imunitet, chvaroba praciakaje ŭ lohkaj formie, ničoha strašnaha. Adzinkavyja chvoryja byli zaŭsiody, a ŭ hety momant niama ŭspleskaŭ nijakich hrypaŭ uvohule, tolki adzinkavyja pacyjenty z roznymi virusami», — patłumačyŭ «Našaj Nivie» namieśnik hałoŭnaha doktara Minskaj haradskoj kliničnaj infiekcyjnaj balnicy Aleh Skrypko.