U Hajnaŭcy prajšoŭ V Marš pamiaci «vyklatych žaŭnieraŭ», jaki zładzili krajnie pravyja siły, piša «Radyjo Racyja».
Jak hałoŭnych hierojaŭ jany ŭsłaŭlajuć kapitana Ramualda Rajsa «Buraha» i majora Zyhmunta Šendzielaža «Łupašku», adkaznych za karnyja apieracyi ŭ biełaruskich vioskach.
Udzielnikaŭ maršu ŭ hetym hodzie było kala 150 čałaviek. Išli z łozunhami «Bury — naš hieroj», «Vialikaja Polšča — chryścijanskaja». Arhanizatary maršu davodzili, što «Bury» nie dziejničaŭ suprać biełarusaŭ ci suprać pravasłaŭnych, tamu što ŭ jahonych adździełach byli i biełarusy, i pravasłaŭnyja. Na płakacie byli zdymki pravasłaŭnych Viarusa i Kuračkina, jakija sapraŭdy byli ŭ adździele Buraha. Miž inšym, Viarus udzielničaŭ u karnaj apieracyi ŭ vioscy Špaki.
Siabry arhanizacyi «Hramadzianie RP» sprabavali błakavać marš.
Pierad maršam u Hajnaŭcy adbyłasia akcyja «Viečnaja pamiać», u čas jakoj byli začytanyja proźviščy zahinułych u vyniku tak zvanaha «kryvavaha rejdu Buraha».
Čytajcie: Biełarusy i «vyklatyja žaŭniery»: pamiž dźviuma tatalitarnymi ideałohijami
