kremlin.ru
Premjer-ministr Małajzii Machatchir Machamad padaŭ u adstaŭku, paviedamlaje Al Jazeera sa spasyłkaj na zajavu kiraŭnika ŭrada.
U zajavie ŭkazana, što premjer-ministr nakiravaŭ prašeńnie ab adstaŭcy karalu Małajzii. Inšyja padrabiaznaści nie raskryvajucca.
Raniej Abjadnanaja partyja synoŭ ziamli Małajzii (Parti Pribumi Bersatu Malaysia, PPBM), lidaram jakoj źjaŭlajecca Machatchir, vyjšła z uradavaj kaalicyi «Aljans nadziei» (Pakatan Harapan).
Machatchir Machamad naradziŭsia ŭ 1925 hodzie. Jon uznačalvaŭ urad Małajzii ad kirujučaj partyi z 1981 pa 2003 hod. A ŭ 2018 hodzie zaniaŭ pasadu premjer-ministra ad apazicyjnaj kaalicyi. Pierad hetym było dasiahnuta pahadnieńnie, što ŭ vypadku pieramohi na parłamienckich vybarach Machatchir stanie premjeram tolki na dva hady, a zatym hetu pasadu zojmie lidar Narodnaj partyi spraviadlivaści Anvar Ibrahim, jaki na toj čas znachodziŭsia ŭ turmie pa abvinavačvańni ŭ homaseksualiźmie. Paśla pieramohi «Aljansu nadziei» karol Muchamad V pamiłavaŭ Anvara Ibrahima i dazvoliŭ jamu zajmać dziaržaŭnyja pasady.
