nhandan.org.vn
U Vjetnamie vajennyja chirurhi ŭpieršyniu paśpiachova pierasadzili kiść ad žyvoha donara. Pra heta paviedamiła hazieta Kampartyi «Nian zan» sa spasyłkaj na 108-y špital u Chanoi, dzie prajšła apieracyja, piša RBK.
Pierasadku mužčynu, jaki straciŭ kiść u vyniku niaščasnaha vypadku na vytvorčaści ŭ 2016 hodzie, praviali 21 studzienia. Donaram staŭ inšy pacyjent z vytvorčaj traŭmaj, u jakoha było paškodžana plačo: vyratavać jamu ruku nie ŭdałosia, adnak kiść u vyniku zdareńnia praktyčna nie paciarpieła, i mužčyna zhadziŭsia achviaravać jaje inšamu pacyjentu.
Apieracyja pa pierasadcy doŭžyłasia vosiem hadzin, i adrazu paśla jaje mužčyna ŭžo moh pavarušyć palcami, paviedamiŭ hałoŭny doktar Nhujen Tchie Chaanh. Ciapier, bolš čym praź miesiac, pacyjent užo moža trymać levaj rukoj niekatoryja rečy, naprykład miačyk dla nastolnaha tenisa, adnak kab raspracavać novuju kiść, jamu treba praciahvać sieansy fizijaterapii. Pavodle prahnozu daktaroŭ, poŭnaja reabilitacyja zojmie ad paŭhoda da hoda, piša Vietnam News.
Nhujen Tchie Chaanh adznačyŭ, što pierasadka kaniečnaści — dastatkova składanaja apieracyja. Akramia ŭmieńniaŭ chirurha, jana patrabuje, kab donar i recypijent byli sumiaščalnyja jak pa hrupie kryvi, tak i pa imunnaj sistemie.
