Siońnia na aŭkcyjonie za 6,22 młn rub pradali budynak Doma druku kala mietro «Akademija Navuk» na praśpiekcie Niezaležnaści. Pra heta paviedamlaje tut.by sa spasyłkaj na «Minskharmajomaść» i inšyja krynicy. Pieramožcam tarhoŭ stała kampanija «PryvatKapitał».
Budynak Doma druku na praśpiekcie Niezaležnaści, 79, jaki źjaŭlajecca pomnikam architektury, vystaŭlaŭsia na tarhi ŭ treci raz z panižanym na 50% koštam. Z ulikam hetaha pačatkovaja cana na siońniašnich tarhach była 3.527.964 rubla 16 kapiejek. Padčas aŭkcyjonu ŭ Minskim haradskim centry nieruchomaści jana vyrasła da finalnych 6,22 młn rubloŭ, što ekvivalentna amal 2,8 młn dalaraŭ pa aktualnym kursie.
Funkcyjanalnaje pryznačeńnie budynka vyznačana jak administracyjna-dziełavoje. Heta značyć pakupnik — kampanija «PryvatKapitał» — pavinna zrabić na hetym miescy biźnies-centr.
