Hrupa navukoŭcaŭ z daśledčaj łabaratoryi brazilskaha Ministerstva achovy zdaroŭja rasšyfravała i pradstaviła navukovaj supolnaści hienom novaha karanavirusa, vyjaŭlenaha ŭ suajčyńnika, piša tass.ru.
Pracu zrabili śpiecyjalisty ŭstanovy sumiesna z kalehami ź Instytuta trapičnaj miedycyny Univiersiteta San-Paŭłu i brytanskaha Oksfardskaha univiersiteta. Vyniki byli atrymany praz 48 hadzin paśla paćvierdžańnia pieršaha vypadku infikavańnia karanavirusam ŭ łacinaamierykanskim rehijonie.
Źviestki pra hienom, miarkujuć daśledčyki, mohuć być vykarystany pry raspracoŭcy vakcyn i dyjahnastyčnych testaŭ. Akramia taho, hetaja infarmacyja važnaja dla razumieńnia dynamiki raspaŭsiudžvańnia virusa i vyznačeńnia jaho mutacyj.
U sieradu ranicaj Minzdaroŭja Brazilii paćvierdziła infarmacyju pra pieršy ŭ krainie vypadak karanavirusa — u 61-hadovaha pacyjenta ŭ San-Paŭłu, jaki prybyŭ ź Italii. Pad padazreńniem zaraz znachodziacca 180 čałaviek, jakija albo sami niadaŭna viarnulisia z krain, dzie zafiksavanyja vypadki zachvorvańnia, albo kantaktavali z tymi, chto tam pabyvaŭ.
