U Viciebskaj vobłaści ŭ paniadziełak pačałasia sumiesnaja treniroŭka brytanskich i biełaruskich vajskoŭcaŭ pad nazvaj «Zimovy partyzan», pra heta paviedamlaje ambasada Vialikabrytanii.
Fota UK in Belarus — British Embassy Minsk
U Biełaruś prybyli 28 vajennasłužačych 42-ha bataljona marskoj piachoty ŭzbrojenych sił Vialikabrytanii. Biełaruski bok pradstaŭlaje miratvorčaja rota 103-j asobnaj hvardziejskaj pavietrana-desantnaj bryhady. Sumiesnaja treniroŭka na palihonie Viciebskaj asobnaj pavietrana-desantnaj bryhady «Łośvida» praciahniecca da 14 sakavika.
U paviedamleńni ministerstva abarony Biełarusi havorycca, što «mierapryjemstva prachodzić na dvuchbakovaj asnovie zhodna z uzajemadziejańniem pa pytańniach padrychtoŭki miratvorčaha piersanału» i nie źjaŭlajecca častkaj jakich-niebudź šmatbakovych vučeńniaŭ. Padkreślivajecca, što padobnyja treniroŭki pačalisia jašče ŭ 2018 hodzie.
Treniroŭki ŭ Biełarusi źjaŭlajucca druhim etapam dvuchbakovaha abmienu pamiž Vialikabrytanijaj i Biełaruśsiu. U chodzie pieršaha etapu ŭ minułym hodzie 27 biełarusaŭ prajšli navučańnie ŭ Vialikabrytanii, dzie ŭziali ŭdzieł u spabornictvach pa vajennym majsterstvie, navučańni anhielskaj movie i navykam viadzieńnia vajennych dziejańniaŭ u haradach.
