Lizavieta II źjaviłasia na publicy ŭ doŭhich biełych palčatkach padčas cyrymonii ŭručeńnia karaleŭskich uznaharod u Bukinhiemskim pałacy 3 sakavika. Heta nie adpaviadaje zvyčajnamu vyhladu karalevy pry ŭznaharodžańni. Tabłoidy The Sun i Daily Mirror napisali, što palčatki mohuć słužyć abaronaj ad karanavirusa. Jak adznačyŭ Daily Mirror, u apošni raz karaleva była ŭ palčatkach na hetaj padziei ŭ 1954 hodzie.
Pres-słužba Bukinhiemskaha pałaca admoviłasia prakamientavać, ci źviazanyja palčatki z karanavirusam, adnak paviedamiła, što «supracoŭniki karalevy i pałaca buduć trymacca parad urada».
Na 4 sakavika ŭ Vialikabrytanii zarehistravany 51 vypadak zaražeńnia virusam COVID-19.
Usiaho ŭ śviecie karanavirusam na 4 sakavika zaražanyja bolš za 92 tys. čałaviek, pamierła bolš za 3 tys. Virus pašyryŭsia na terytoryi 72 krain za miežami Kitaja.
